.🔴🔴 نصائح مهمة لكيفية الحفظ بذكاء 🧐 :
🟠كاين حاجة لازم تعرفوها انو النسيان هو صفة من صفات الانسان يعني لا يوجد واحد فينا لا ينسى🙄 بمعنى آخر مكالاه تتوتر كي تلقى روحك نسيت حاجة حفظتها من قبل ، بالمراجعة فقط تتذكرو
نولو للموضوع تاعنا :
🔵 اول :
حاجة تديروها قبل الشروع في الحفظ هي إعداد مكان الحفظ يعني توجدو بلاصة وين تحفظو بحيث تكون تناسبكم بعيدة على الضجيج ، الاضاءة فيها مليحة،بعدها وجد منين راح تقرا باش ماتبقاش تضيع في وقتك تحوس على الدروس و الملخصات وضع قدامك قرعة ماء ( لتفادي هداك النهوض تاع نروح ناكل و نروح نشرب)، بعدو عليكم اي حاجة تشوشكم و تفقدكم التركيز ( هاتف، تلفاز، اطفال صغار...) المهم ديرو المكان لي ترتاحو فيه نفسيا😌.
🔵 ثانيا :
نكتب عناوين تاع الدروس لي راح نحفظها (ماتديروش بزاف دروس من بعد ماتكملوش و يتخلط البرنامج) بعدها ديرو قراءة عامة خفيفة ظريفة للدرس كامل باش تقدرو تخرجو النقاط الاساسية تاع الدرس و كتبوهم في ورقة ✅
🔵 ثالثا :
نبداو الحفظ كفاه؟ نبدا نقرا الفقرة الأولى و نفهمها جملة بجملة لازم تفهمو واش راكم تقراو هكذا ماتنساوش بعد ما فهمتها نبدا نحفظ و وين نلقى روحي نسيت نعاود نشوف فالكراس و هكدا نكرر حتى نشفى (التركيز الفهم و التكرار هما أهم حاجة في الحفظ )ثم نروح للفقرة لي بعدها و هي رايحة .....✅
⛔ملاحظة :
حاولو تشفاو على طريقة الكتابة لي فالكراس و العناوين كفاه لانو الذاكرة البصرية تساعد بزاف وكذلك ارجع للدرس اللي حفظتوا عبر فترات زمنية مثلا يوم يليه يومين ومبعد اسبوع ومبعد اسبوعين ....📆 و هي رايحة باه ترسخلك المعلومة في الذاكرة طويلة المدى ✅
احيانا ننساو واش حفظنا بصح عن طريق الذاكرة البصرية نتفكرو الفكرة وين محطوطة مثلا نشفى بلي مشروع قسنطينة كان داخل مع سياسة الاغراء لي كانت مكتوبة فالصفحة اليسرى 😂
🔵 رابعا:
هادي في رأيي تختلف من شخص لآخر كاين لي يحب يكتب واش حفظ و يقولك لوكان مانكتبش مانتذكرش و كاين لي يقولك نمد لواحد يحكملي الكراس (خوه،صاحبو،...)،نقابل المراية و نلقي عليها وش حفظت ( شخصيا كنت نديرها و تجيب نتيجة هايلة 😁 )
🔵 خامسا :
هي الاستماع لما حفظته يعني تسجل واش كنت تحفظ و تسمعو كي تكون برا ولا كي تكون تدير فالشغل... الخ لان الاستماع المتكرر لنفس الحاجة راح يخليك تشفى
⛔️🆓للمزيد من #ملخصات📝 #شروحات_لدروس📚 + #تحفيز 💪و غيرها و #كل_شئ يخص #بكالوريا📖🔖
🟢 #جميع_الشعب
لا تترددوا في متابعة 🫴قناة تلغرام ✅ و إن شاء الله تستفادوا كامل ❤
رابط ( قناة تلغرام #الرسمية) بكالوريا جميع الشعب
✅👇👇✅