#الوقـــــــــــت
ـ اليوم فيه 24 ساعة نرقد حوالي 8ساعات مع هذو ليامات تفوت نوم راه حلو 💁🏻♀️ نقرا 8 ساعات مع الوقت لي يروح هكاك في الذهاب والاياب ونزيد نستعفا من الطريق نلقا اليل طاح 😩 واش ندير؟ كيفاش نسير وقتي و نظمو؟ وكيفاش نلحق للدروس لي رانا واصليلهم في ليسي ولا ليكور؟ راني ڨراف روطار 💔
💙 أول حاجة لازم تعرفوها هي أنكم مراكمش روطار مام يبقا للباك شهر ماكش روطار (متفاهمين عليها)
💙 نزيدو نتفاهمو على هذي 👈🏻باش تنجح لازم تقرا وباش تقرا رايح تتعب، يعني مدامك حاب تنجح بمعدل شباب كيما انت لازم تتعب.
💙 الوقت عزيزي الطالب أكبر عتبة لازم تتعلم تسيرو
ببساطة شد ورقة واكتب عليها كيفاش راه يجوز يومك، وبعدها قرر وبحزم بلي كي تجي من ليسي تريح ماكسيمو نص ساعة وتبدا ، واستغل ساعات الفراغ كي ميجيش كاش استاذ اتلايم مع زملائك وسيو افهمو جماعة.
💙 نقرا صباح ولا نسهر خير؟ هذي النقطة كل واحد وقدراتو كاين لي تلقاه يقدر يسهر وصباح ميقدرش ينوض بكري وكاين لي العكس انت جرب وشوف واش يساعدك بعدها ولف روحك على الروتين لي اخترتو والسهر أو النهوض باكرا هو الشيء لي رايح يصنع الفرق بينك وبين غيرك راح تلاحظ بلي زادو الساعات لي تقدر تنتج فيهم وبالتالي تترفع همتك و يتكثف جهدك تلقائيا
💙 وقتاش نحفظ؟ ووقتاش نحل تمارين؟ ووقتاش نفهم دروس؟ انا منقدرش نقسملك المواد على الوقت بيسك كل واحد والوقت لي يساعدو كاين لي يحفظ صباح منقدرش نقلو عشية كي ترجع احفظ تاريخ ولا في ليل افهم الدرس الفلاني، انت لي تقرر واش تقرا متبع حتى واحد واش يقلك شوف لي يخرج عليك ، دير جدول صغير وقسم عليه وقتك، بعدها جيب قصاصة (هذوك لي يتباعو يجو ملونين وبأشكال مختلفة) اكتب عليها المهام مثلا:_ حفظ درس..._ حل دالة اسية_ كتابة مقال فلسفة.... وقدام كل مهمة حط دائرة باش كي تكمل منها حط علامة ✅ باش تبين بلي تمت
💙 اهيه دوك ننظم وقتي وكيفاش نبدا نقرا؟ 🙂 ني روطار في كلش😭
المرة الجاية نقلكم 😁 اتهلاو👋🏻
#Sali